Pas takimeve në qytetet Liezh (Liège), Anvers, Namyr (Namur) dhe Huy, vizita e radhës së Kryetarit të Rrjetit të Bizneseve Shqiptare në Beneluks, z. Ahmet Gjanaj, ishte në qytetin Brugge më datën 31/05/2017. Vizita u organizua nga aktivisti Bektash Kaca në disa biznese që drejtohen nga shqiptarë.
Vizita u bë në 4 restorante që drejtohen nga afaristët shqiptarë që vijojnë të cilët u bënë anëtarë të Rrjetit të Bizneseve Shqiptare në Beneluks : z. Lazer Tetaj, z. Kushtrim Rexhaj, z. Reshat Selimi dhe z. Florim Xhafa.
Qëllimi i takimit sikundër të atyre të tjerë ishte prezantimi i Rrjetit të bizneseve si një inisiativë përbashkuese për bizneset shqiptare në diasporë dhe bashkpunimi ndërmjet tyre.
U theksua dhe njëherë rëndësia e bashkpunimit ndërmjet sipërmarrësëve shqiptarë në Beneluks dhe rëndësia që ka regjistrimi i të gjitha bizneseve në Rrjetin e Bisneseve shqiptare në Beneluks për ata vetë, komunitetin këtu në Belgjikë dhe për zhvillimin e trojeve shqiptare.
Më në fund është marrë vendimi që z. Bektash Kaca të jetë personi-kontakt për zonën Brugge e rrethinë në emër të Rrjetit të Bizneseve Shqiptare në Beneluks. Ai do të nxisë regjistrimin e bizneseve duke përdorur aplikacionin në faqën facebook të Rrjetit të Bizneseve shqiptare në Beneluks.