Të fundit

Më datën 25 dhe 26 nëntor 2017, do të mbahet një forum të madh ekonomik në Kosovë nën organizimin e Rrjetit të Bizneseve Shqiptare në Diasporë, organizata kupolë e Rrjetit të Bizneseve Shqiptare në Beneluks por dhe të Rrjeteve të Bizneseve Shqiptare në mbi 20 vende të botës. Takimi do të mbahet në ambjentet e hotelit « Emerald Prishtinë » që ndodhet në rrugën Prishtinë-Shkup. Në atë Forum do të marrin pjesë shumë biznese shqiptare të diasporës por dhe biznese të viseve shqiptare (Shqipëri, Kosovë, Maqedoni, Luginë,…).

Në Cyrih të Zvicrës më 2-3 shtator 2017, ndodhi takimi i radhës të kryetarëve të Rrjeteve të Bizneseve Shqiptare në botë në prani të ekspertit ndërkombëtar të rrjeteve Martin Rusell për të definuar strategjinë e zhvillimit në favor të trojeve shqiptare, investimet e bizneseve shqiptare të diasporës në trojet e origjinës dhe shtimin e punësimit të shqiptarve.

Pas takimeve në qytetet Liezh (Liège), Anvers, Namyr (Namur) dhe Huy, vizita e radhës së Kryetarit të Rrjetit të Bizneseve Shqiptare në Beneluks, z. Ahmet Gjanaj, ishte në qytetin Brugge më datën 31/05/2017. Vizita u organizua nga aktivisti Bektash Kaca në disa biznese që drejtohen nga shqiptarë.

Pas takimeve në qytetet Liezh (Liège), Anvers dhe Namyr (Namur), takimi i radhës së Kryetarit të Rrjetit të Bizneseve Shqiptare në Beneluks, z. Ahmet Gjanaj, ndodhte në qytetin Huy të shtunën më datën 20/05/2017. Takimi u organizua nga bashkatdhatari Suat Memedov në ambjentet e picerisë Tiamo të sipërmarrësit shqiptar z. Sabedin Ramadani.

Pas takimeve në qytetet e Liezhit (Liège) dhe në Anvers, takimi i radhës së Kryetarit të Rrjetit të Bizneseve Shqiptare në Beneluks, z. Ahmet Gjanaj, ndodhte në qytetin e Namyr-it (Namur) të shtunën më datën 13/05/2017 në orën 20:00 në ambjente të siguruara nga sipërmarrësi shqiptar z.Besim Mata.