Që nga muaji mars, Kryetari i Rrjetit të Bizneseve Shqiptare në Beneluks, Ahmet Gjanaj, njëkohësisht Deputet i Rajonit të Brukselit, ka ndërmarrë një fushatë intensive sensibilizuese në drejtim të bisneseve shqiptare për anëtarësimin e tyre në Rrjetin e Bizneseve Shqiptare në Beneluks. Ajo fushatë do ta çojë në qytetet kryesore të Belgjikës, në Holandë dhe Luksemburg ku ka biznese shqiptare.
Takimi i radhës, pas atij të Liezhit të muajit mars, i thirrur nga Rrjeti i Bizneseve Shqiptare në Beneluks u mbajt më datën 29 prill 2017, në qytetin belg të Anversit, në lokalin bar-restorant të biznesmenit zemërgjërë z. Mafis Hasani (« De Nieuwe Muggen », Dr Van de Perrelei, 41a në 2140 Borgerhout). Reklamimi i takimit pranë bizneseve të Anversit e rrethinë u bë nga z. Imran Salija, gjithashtu bisnezmen në fushën e transportit të personave.
Ky takim i parë në qytetin Anvers mblodhi bizneset me drejtues znj. Flutura Qello, sallon estetikë ; z. Redi Cankja, ndërmjetësim në ndërtimtari dhe përkthime të ndryshme ; z. Samed Kasumi, në ndërtimtari ; z. Bektash Guska, parukieri ; z. Agim Shabani, ndërtimtari ; z. Enver Krasniqi, kondicionimi i mishit dhe z. Imran Salija, transport personash. Ishin të pranishme dhe znj. Besjana Sinamata dhe znj. Sonia Memoci, drejtuese shoqatash shqiptare.
U theksua dhe njëherë rëndësia e bashkpunimit ndërmjet sipërmarrësëve shqiptarë në Beneluks për t’arritur nivele më të larta të aktivitetit ekonomik dhe rëndësia që ka regjistrimi i të gjitha bizneseve në Rrjetin e Bisneseve shqiptare në Beneluks për ata vetë, komunitetin këtu në Belgjikë dhe për zhvillimin e trojeve shqiptare.
Bashkbisedimi ishte shumë i frytshëm dhe u fol për shumë tema dhe në veçanti për vështirësitë e investimeve në atdhe. Më në fund është marrë vendimi që z. Imran Salija të jetë personi-kontakt për zonën Anvers e rrethinë në emër të Rrjetit të Bizneseve Shqiptare në Beneluks. Ai do të nxisë regjistrimin e bizneseve duke përdorur aplikacionin në faqën facebook të Rrjetit të Bizneseve shqiptare në Beneluks.
Pas takimeve në tërë qytetet e Beneluksit, synohët që të mbahët një Forumi ekonomik. Ndaj dhe njëherë, kryetari i Rrjetit fton të gjithë bizneset t’i bashkangjitën kësaj nismës në interes të ngushtë të tyre dhe më të gjerë të komunitetit shqiptar të Belgjikës dhe të zhvillimit të trevave shqiptare.